கார்காலத்தின் தோற்றம் ஒவ்வொரு செய்யுளிலும் கூறப்படுகின்றமையாலும் நாற்பது செய்யுள்களை உடைமையாலும் இந்நூல் கார்நாற்பது என்னும் பெயர் பெற்றுள்ளது.

இந்நூலின் ஆசிரியர் மதுரைக் கண்ணங்கூத்தனார். 40 வெண்பாக்களை மட்டும் கொண்டிருப்பதால் அகப்பொருளுக்குரிய கீழ்க்கணக்கு நூல்களில் இதுவே சிறியது.

இச்செய்யுள்கள் அனைத்தும் தலைவன், தலைவி, தோழி, பாங்கன் ஆகியோருள் ஒருவர் கூறுவதாக உள்ளன. இச்செய்யுள்களில் முல்லைத்திணைக்குரிய முதல், கரு, உரிப் பொருள்கள் சிறப்பாக இடம்பெற்றுள்ளன.