6. குறிப்புதவிப் பிரிவிலிருந்து நூல்களை நான் இரவலாகப் பெறலாமா?

குறிப்புதவி நூல்கள், அரிய நூல்கள், கட்டடம் செய்யப்படாத பருவ இதழ்கள், பத்திரிகைகள் போன்றவை இரவலாக வழங்கப்பட மாட்டா.

7. நூலகத்தில் உள்ள நூல்களின் சில பக்கங்களை நகலெடுக்க இயலுமா?

ஆம். நகலெடுக்கும் வசதி நூலகத்தில் உள்ளது. நூலகத்தில் உள்ள நூல்கள்/பருவ இதழ்கள் ஆகியவற்றை மட்டுமே நகலெடுக்க அனுமதிக்கப்படும். வெளியிலிருந்து கொண்டுவரப்படும் ஆவணங்களை நகலெடுக்க இயலாது. நகலெடுக்க உரிய தொகை பெறப்படும்.

8. நூலக அதிகாரிக்கு என்னுடைய கருத்துகளை/பின்னூட்டங்களை நான் எவ்வாறு வழங்குவது?

நூலக இணையத்தளத்தில் உள்ள ‘இணையப் பின்னூட்ட அமைப்பு’ மூலம் எந்தவொரு பயனரும் தம் கருத்தைத் தெரிவிக்கலாம். நூலகச் சேவைகள் தொடர்பான அவர்களின் கருத்துகளையும் பின்னூட்டங்களையும் நூலகம் வரவேற்கிறது. கருத்துத் தெரிவிக்கக் கீழே உள்ள இணைப்பைச் சொடுக்கவும்
https://library.cict.in/feedback.html

9. நூலகத்திற்குத் தேவையானதொரு நூலினை வாங்க நான் எவ்வாறு பரிந்துரைக்க இயலும்?

வாசகர் நூலக அலுவலரிடமிருந்து நூல் பரிந்துரைப் படிவத்தைப் பெற்றுத் தாம் பரிந்துரைக்கும் நூலினை அதில் எழுதிக் கொடுக்கலாம். இல்லாவிடில், https://library.cict.in/downloads.html என்ற இணைய இணைப்பிற்குச் சென்று பதிவிறக்கி நூலக அலுவலருக்குப் பரிந்துரைக்கலாம்.

10.நான் மின்வளங்களை எப்படி அணுகுவது?

இந்த இணையத்தளத்தில் மின்வளங்கள் பகுதியில் குறிப்பிடப்பட்டுள்ளதுபோல், பாவேந்தர் நூலக இணையத்தளத்தில் பதிவுசெய்துகொண்ட அனைத்துப் பயனர்களும் நிறுவன மின்வளங்களை அணுக இயலும். அப்படிப் பதிவுசெய்துகொள்ளாதவர்கள் நூலகத்தைத் தொடர்புகொள்ளவும்.