இது தமிழில் தோன்றிய முதல் காப்பியம். இதனை இயற்றியவர் இளங்கோவடிகள். இயல், இசை, நாடகம் என்னும் முத்தமிழும் விரவப் பெற்றதால் முத்தமிழ்க் காப்பியம் என்றும் உரையிடையிட்ட பாட்டுடைச் செய்யுள் என்றும் வழங்கப்படும். இது தண்டமிழ் நிலமாண்ட மூவேந்தரையும் பற்றிக் கூறுகிறது. அரைசியல் பிழைத்தோர்க்கு அறம் கூற்றாகும், உரைசால் பத்தினியை உயர்ந்தோர் ஏத்துவர், ஊழ்வினை உருத்துவந்து ஊட்டும் என்னும் மூன்றினையும் கருப்பொருளாகக் கொண்டு யாக்கப்பட்டது இக்காப்பியம்.

புகார்க்காண்டம், மதுரைக்காண்டம், வஞ்சிக் காண்டம் எனும் மூன்று காண்டங்களையும் முப்பது காதைகளையும் உடையது. கோவலன், கண்ணகி, மாதவி ஆகியோரின் கதையினை எடுத்தியம்புகிறது.

இந்நூலுக்கு அரும்பதவுரையாசிரியர் எழுதிய பழைய உரையும் பிற்காலத்தில் அடியார்க்கு நல்லார் எழுதிய சிறந்த உரையும் உள்ளன.